خلف قضبان عذب الكلام [الأرشيف] - منتديات عسل السعودية ,دردشة عسل السعودية


منتديات عسل السعودية ,دردشة عسل السعودية > ▫• الاقسام الأدبيـــــــﮧ و الفنيـــﮧ • > عـِذب آلــِـگلآمــــے .. } ~▫▫ > خلف قضبان عذب الكلام المساعد الشخصي الرقمي مشاهدة النسخة كاملة : خلف قضبان عذب الكلام روعة الغرام 05-29-2009, 09:41 AM بسم الله الرحمن الرحيم السلام عليكم يا اعضاء عسل السعودية الكرام كيفكم وكيف احوالكم ؟ شكلكم طيبين وماعليكم خلاف المهم قضت المقدمة وندخل الموضوع .. .. هذا الموضوع اسمه (خلف قضبان القصايد) يعني الله يسلمكم سجن الشعر والشعراء :: بالمختصر انا اسجن عضو .. واطلب منه قصيده انا ابغاها واختار الغرض اللي ابي القصيدة تتكلم عنه .. والعضو المسجون لازم ينفذ الطلب علشان يقدر يطلع من السجن ويسجن واحد بعده ويطلب منه وهكذا يعني كلما طلع عضو يسجن واحد ثاني بعده يالله همتكم شباب وصبايا :: :: أنا ابدأ .. وأختــآآر ][ واااااااضح][ وأطلب منه .. كالتآآلي / قصــيده تتكلــم عن الشوق .. يلا .. .. همّــتكم ياالأعضآء ,, تحيــآآتي رووووووووعة واضـح 05-29-2009, 09:46 AM وش سالفتك مع مواضيع السجن :o بكل الاحوال موضوع رائع تشكرين عليه,, :ranks2: لي بآآك :( واضـح 05-29-2009, 10:02 AM طال الغياب وطال بعدك عن العين وزاد أشتياق القلب والشوق قتال قالوا تصبر قلت وين الصبر وين وأحبال صـبـري قطعوها بالإهـمال الجرح يكبر وأصبح اليوم جرحين جرح الغياب وجرح بالقلب مازال خايف غيابك يقسم القلب نصفين نصـف يحبك ونصـف يشكيلك الـحال شوفك دواء للقلب ياكامل الزين مرت سنه والدمع من جال في جـال آختآر جروح وموضوع القصيده المطلوبه عن الخيانه ,, بنت شيوخ ونظرتي شموخ 05-29-2009, 10:22 AM لاهنتي الموضوع روعه تقبلي مروري متى يجي دوري:c078: روعة الغرام 05-29-2009, 10:54 AM ههههههههههههه اخوي واضح الف شكر لمرورك الرااااااائع واجابه الدعوه روعة الغرام 05-29-2009, 10:54 AM اننت الروعه اختي بنت شيوخ جے ـروح 05-31-2009, 12:35 AM يسلموووو واضح ع الأختيار ،، من كثر ياسي منّك..حتى اعتذارك صدمة ومن كبر جرحي منّك.. حتى “أحبك” تجرح وسنيني اللي ضاعت..ما تنلقى من كلمة وحروفي اللي صاحت.. ما تحتملني أفرح كنت أحتمي في بعدك.. في وحشتي والظلمة عن جورك وغلطاتك.. بانّي بحنانك أسرح اتخيلك تحضني..وتنسّي قلبي همّه واطير بك للجنة.. فيها نغني ونمرح ما شوف منّك الا كل المزايا الجمة اللي بها حبيتك..وبها لساني صرّح لكن حسافة جابك.. شوقك..وصبت بسهمه اخر فصول القصة..وانهدّ ذاك المسرح كلمة وراها كلمة..وتهمة اسبقتها تهمة أجمع معاها جروحي..وانت بغرورك تطرح تطرح من احلى رسمة لك في فؤادي برسمه غابت معالم روحك فيها وعيّت تشرح فرحة لقانا ذبلت والشوك جفّ بوهمه اني اتم اتحمل..ظلمك واعيش اتجرّح ريح فؤادك دامه..واثق اهو من حلمه حتى لو ان احلامي..ما حصلتك فـ مطرح قلبي عشانه حبّك..يستاهل اللي لمّه يستاهل بدمعاتي يتناثر ويتشرّح لا تعتذر عن جرحه..لو مت انا من ظلمه خلي لغيرك دفنه.. ودامك ذبحته..إفرح تدللي بنوووتة ،، حياك قلبي بالسجن ،، والغرض المطلوب : قصيدة حب ، روعة الغرام 05-31-2009, 03:09 PM قصيده رااائعه جروح ونعم الاختيار بنوته بأنتظارك بنوته روعة الغرام 07-14-2009, 09:50 PM بعد اذنك بنوته وجروح بختار رااااااضي واطلب قصيده عن الحب نهاية سطر عاشق 07-14-2009, 11:15 PM موضوع راقي وجميل يعطيك العافيه روعه روعة الغرام 07-14-2009, 11:19 PM الله يسلمك تسلم ياذوق رآضـي وقنـوع 07-15-2009, 07:47 AM مافيه داعي تهلّ الدمع من شااني بكره يقولون ليه يالحبّ بكيّته انا تمنيّت تذكرني وتنسااني وانته ياليتك تمنّى اللي تمنيّته رسايلك جااات بين اسمي وعنواني وتعلقّت بين ضيّعته ودليّته ؟؟ بعض البشر لو يدوّرني ما يلقااني وبعض البشر لو يجاذب سيرتي جيته لا تنشغل خلنيّ يا سيد خلاّني استسمحك وقتي اللي معك قضيّته ؟ قولي ( ؟ )الحلم خلّيته وخلاّاني او قول بالعكس خلاّاني وخليّته ؟؟ ياسيفي ودرعي وخيلي وميداني البيرق المنكسر لرضااك رزيّته ؟ اموت من ضيقتي مير الله احياني وجوارحي نوب لا حيّه ولا ميته رغم اني اعاني من الوقت ما اعاني مسحت صبري على جرحي ودااويته فرشت لك قلبي وشلتك وسط وجداني وارتحت في قلبي المفروش واذيّته في ذمتك لا ترااودني على اجنااني وصلت حدّ الجناان ولا تعديّته وان قلت وش جاك مدري منك وشجااني مغير مديّت لك كفيّ وعضيّته ؟؟ ماعاد مع راسي الا روس جنحااني والريح لاهبّ مع طاريك هبيّته اسمح لي اجر صوتي واسحب الحاني والشعر لا ضقت غنّااني وغنيّته ؟ العام 00 انا مبتلش في عقدة الساني واليوم 00 انا شاعرن ما ينهدم بيته ومافيه داعي تهلّ الدمع من شااني بكره يقولون ليه يالحبّ بكيّته الششاعر / لافي الغيداني الحـربي .. روعة الغرام 07-15-2009, 08:01 AM قصيده كلها ذوق قمة في الاحساس والروعه صح لسان قايلها وسلمت يمناك على النقل والف شكر لك على التواجد يسلمووووووووووووراضي لازم انت تختار عضو بعدك وتحدد له القصيده رآضـي وقنـوع 07-15-2009, 11:24 AM أختاار العضــوهـ [ رفــيف ] والقصيدهـ . أممممممممم اغلب قصاايد رفيف الي تنزلها في المنتدى كلها عن الفراق وعن الغدر يعني كلها حزن في حزن لاكن الي بطلبه من رفيف قصيده كووومدياانيه يعنـي يعني قصيده تووسع الصصدر مافيها حزن ننتضرك يارفيف .. رفيف 07-15-2009, 12:39 PM البارحة جــانـي مـن الحـب مرسـال من عقب مـا بينـي وبـيـنـه خصيمـة وانا تــرى في الحـب مانــيــب فعّـال ولا بـعـــــد ولــّـعـ بـقـلـبـي هشيـمـه ولا بــعـد غـنّيت فـي ساعـة وصـال ولا بــعــد ذقــت الـفـراق وجحـيمـه ولا جرى دمعي علــى الخـد همّـال ولا بـعـــد جـربـت مــرّ الـهــزيـمـة حــتــى وردنـي تالـي الـليـل جــوال وانا على شاهي وبسكـوت ديمـة الرقم بايخ لكـن الــصــوت قــتـال كنــه مثل صـوت المذيعـة حليمـة قــالت مساء الخير يـا طيّـب الفـال قـلـت ارحــبـي تــرحيبـةٍ مستديمـة بـالـعــود والصفـري ودلـة وفنجـال واجـبـك يا بنت الأصـول الكريمـة وردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـــا بـعـــد كــنــي بــدونـك يتيمـة مـــن يـوم قـالـتهـا تزلزلـت زلـزال مــن فجعتي كنـي مسـوي جريمـة قلت ارفعي صوتك ترى مابه ارسال كـــذاب لــكـنّ المصيبـة عظيمـة قالت أقول اسمع ترى هرجنـا طـال مــمكـن تصاحبنـي ترانـي وسيمـة واسمي الحقيقي أول حروفـه الـدال لــكـــن يسمّونـي البنـات الزعيمـة صحيح أحب الفخفخة واعشق المال لكـن ترانـي طــاهــرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفــقـــر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والــديـن بـالآلاف والبنـك شغّـال يــاكـل فـلـوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـــــم شــي إن النوايـا سليـمـة لابــد تـفـهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة يا بـنــت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مــا يــبـقـى لهـا أي قيـمـة قالت تبي ولاّ فـخـلّك علـى جـال مهوب ناقصـي نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حــتـى يـعـلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة رآضـي وقنـوع 07-15-2009, 12:46 PM هههههههههههههههههههههههه يسلمو يســـلمووووووو رفيف ماآآآقصرتي يعطيك اللف عافيه .. روعة الغرام 07-15-2009, 02:40 PM روعه رفيف يعطيك الف عافيه برضه ما اخترتي عضو ولا القصيده رفيف 07-15-2009, 02:47 PM اختار برستيجـ له حريت الاختيار اسير الغرام 07-15-2009, 03:41 PM موضوع رائع تحياتي لك اختي روعه روعة الغرام 07-15-2009, 07:03 PM الاروع تواجدك بأنتظار برستيج ܔܓ܏ܛيےـرستيـجےܔܓ܏ܛ 07-15-2009, 08:59 PM موضوع رآئع جدآ جدآ وآسف على التأخير لي عووده بالقصيده يعطيك العافيه رووعه مبدعه دومآ }~ روعة الغرام 07-15-2009, 09:01 PM الاروع تواجدك كلك ذوق بأنتظار القصيده والاختيار ܔܓ܏ܛيےـرستيـجےܔܓ܏ܛ 07-15-2009, 09:07 PM ليه المسى عوق الشقاوي وطبه ولية الهبوب تصحي القلب لابات ولية القمر يدعي جريح المحبة ويقول ياهية مافات ما مات جرحك ظهر لو قلت للوجه خبه وللحزن في ضحكك رسوم وعلامات ولية المطر بالذات ريحة وصبة كنة رسولن بين الاحباب بالذات اشتاق فية لشوفتك واتنبهٌ للي نسيته من مواقف ونظرات لستانس الخافق ذكر من يحبة ورجع يراجع في الوناسات مافات يامرتع القلب الحزين ومربة يزين بك مثل الذهب صدر الابيات هيهات ينسى القلب شخصن يحبه وهيهات يدلة خاطري منك هيهات نبع الغلا عندك وعندي مصبة ومن الولة في خافقي لك ولايات وطيفك حطب عيني وعيني مشبه والشوق بردن مانقطع دون لحظات ومكانك الصدر ولك القلب شبه بين الضلوع اللي فردها التنهات ولك بيرقن في القلب حبك يهبة شامخ ولاهزة من العذل غارات محبتك في الوقت ذا ما تشبة الابخيمة بدو بين العمارات وان شفتني ضايق واهوجس واسبة اخاف غدر الوقت وللوقت دورات لاتحسبن دمعي نزل دون سبة ابكي من الفرقا وهي مابعد جات اليوم كل امورنا مستتبة وبكرة ماندري وش معه من مسرات ارب قلبك مثل قلبي اربة ما يخلفة كثر العذل والمسافات اختــآآر امممم رووعه وقصيده ع ـتااب تحيآتي }~ روعة الغرام 07-15-2009, 09:14 PM تسلم والله قصيده ولا أحلى يعطيك العافيه مشكور على الاختيار عـــاشق الــذكــرى 07-16-2009, 02:25 AM بالله ياراضي نبي نسمع عذب الكلاام ونغمه الكلمه الشعريه روعة الغرام 07-16-2009, 11:05 PM انـا زعـلان منـك حيـل وشايـل لـك بقلـبـي عـتـاب واتـمـنـى تحمـلـنـي مـثــل مـــا اتـحـمـل عـتـابــك ترى بعض الصراحة جرح وثقل ونرفزه واعصاب ابـي تسمـع كلامـي زيـن وتـمســك زيـن اعصـابـك تعاهـدنـا انــا وانـتـه عـلـى إنـــا نـكــون احـبــاب واحبـابـك هــم احبـابـي واحبـابـي هـــم احـبـابـك وش الــي غـيـرك فجـأه تكـلـم واذكــر الأسـبــاب انـا بسمـع كـلامـك زيــن وبسـمـع زيــن اسبـابـك رغـم كـل الخطـاء منـك فوجهـك مـا قفـلـت الـبـاب ويـوم اخطيـت فـي حقـك قفـلـت فوجـهـي ابـوابـك رخصـت الغالـي لعيونـك حنيـت لخـاطـرك ارقــاب رضـيــت احنـيـهـا ارقـابــي ولا تحنـيـهـا ارقـابــك كفايـه تمتحنـي هــم وخــل مــن ذم فيـنـي وعــاب ترى من عاب في غيـرك ولـو طـال الزمـن عابـك ولا تفكر في يـوم انسـاك او يشغلنـي عنـك غيـاب انــا اتنفـسـك اهــواك وفـيــك امـــوت واحـيـابـك انـا مـا شـوف احـد غيـرك جمـيـل بفـتـنـتـه جــذاب انـا إعجـابـي فيـك اعمـى يفـوق اعجـاب اعجـابـك انـا مهـمـا قـسـى قلـبـي بكلـمـه مـنـك احـسـه ذاب انا من زود عشقـي لـك عشقـت العطـر فـي ثيابـك انـا ياليـت مـغـرم فـيـك انــا كـلـي فغـرامـك شــاب احـسـك جــزء مــن روحــي ولا اتـحـمـل غـيـابـك ولا قد طـاب لـي جرحـك ولـو جرحـي لذاتـك طـاب عجـزت اقـدر اشـوف الدمـع بـل اطـراف اهـدابـك ولـكـن كـــل شـــي إلا جـــزاة الـصــد بالـتـرحـاب إذا صـديــت تـرحـابـي تـــرى بــاصــد تـرحـابــك ولانـي مرتـضـي ذلــي ولــو كــان الـهـواء غــلاب إذا مـاكـان تـرضـا بـي حـشـاء لا يمكـن ارضـا بـك ولانــي قــادر اتحـمـل عشـانـك غـرسـت الأنـيـاب انـا كـلـي غــدى مـجـروح مــن غـرسـات انيـابـك تجافيـنـي ولا هـمـك ولا تحـسـب لــي أي حـسـاب وانا من زود عشقي لك اصونك واحسـب حسابـك ألآ يـا قـسـوة الصـدمـه تجـيـنـي مـنــك الأصــواب وانا الي كنت اقول الجـرح إذا مـا صابنـي صابـك أمـانــه قـــول وش بـقـيّـت لـلـعــذال والأغــــراب اذا هــذا مـعـي طبـعـك اجــل وش حــال اغـرابــك تـمـرد كــان يحـلـى لــك تعـيـب فطيبـتـي وتغـتـاب ولكـنـي تــراي اكـبــر مـــن انـــي يـــوم اغـتـابـك حقيـقـه اكتشـفـت انــك سخـيـف بطبـعـك الـكـذاب وانـي كـنـت لــك لعـبـة سخيـفـه تـشـبـه الـعـابـك انـا عيبـي غبـي طـيـب وضـنـي فـيـك والله خــاب ولا قـــد كـنــت اتـوقــع تـجـافـي يـــوم اصـحـابـك انا جيتك بطيب الطيب وفيـك الطيـب ابـد مـا جـاب ابـي تعذرنـي هـا القـسـوة لأن الطـيـب مــا جـابـك عـــاشق الــذكــرى 07-17-2009, 02:48 AM يالله يا راضي سمعنا عذب الكلاام ونغمه الكلمه الشعريه وترانيم الابيات الشعريه روعة الغرام 07-17-2009, 08:59 AM سبق واخترنا راااضي وش رايك انت تفضل بختارك وقصيده عن الفراق قصيده مات شاعرها 07-18-2009, 03:44 AM ههههههههههههههههههه يالله ياعاشق الذكرى والله وكفشتك روعه ههههههههههه انتظر قصيدتك ياااااااعاشق الله الله بالقصيده السنعه لاتفشلنا ههههههههههههههههههه روعة الغرام 07-19-2009, 02:21 PM هههههههههههههههههههههههههههه ايه والله كفشته <<<<<<<< بس وين الرجال شكله هرب ههههههههههههههههه رآضـي وقنـوع 07-19-2009, 02:29 PM <- يقول وش السسالفه ..؟ روعة الغرام 07-19-2009, 02:36 PM ابدا السالفه عاشق الذكرى يطلبك بالاسم يالله ياراضي نبي شعر وبس راضي علمناه اخترناه وخلاص وهو الان مطلوب والرجال مختفي رآضـي وقنـوع 07-20-2009, 07:42 AM جعل ابووك للجـنه روعه .. روعة الغرام 07-20-2009, 02:27 PM امييييييييييين ويخلي لك والديك ويعينك على برهم عـــاشق الــذكــرى 07-21-2009, 01:36 AM الله يوفق مثلك الله يخليه. ......................كانك نويت الصد والهجر وياه غالي ولك بالقلب شي ومخفيه .......................اكبر من اللي بالضماير تهقواه في غيبتك قلبي ترى الهم صاليه ......................واسهرت ليلي بين ونه وويلاه البارحه طيفك مع الليل احاكيه ......................يشهد علي الليل والنجم يصغاه فكرت ويا الليل مبدع قوافيه. .................. ...مسحوب طرقي والقوافي تقفاه والحزن فوق القلب والهم مقفيه ...................و ليلي غدا ليلين والصبر مقواه اكتب شطروالشطر الاخر نجاريه ........................شاعر تحد ه والليالي توطاه اجزل بيوت الشعر وحكم معانيه ......................ولا هزيل القاف واضح ثناياه ياللي حرقت القلب منهو يطفيه .....................النار نار ٍ تتعب القلب واحشاه يا مانسيت اللي من الناس نغليه ........................ولاعاد به شي ليا حل طرياه استر عيوب الناس والطيب ابديه. ...................وش خانت اللي ماسترعيب رفقاه امسٍ وقبل البارح القلب اهنيه. ......................امسي مع الفرحه وصبّح بفرحاه في شوفتك افرح مع اللحن اغنيه .........................وطيفك يسلي كل طرقٍ بمغناه قلبي كثير اللي من الناس ترجيه ......................وانا الذي قلبك من الناس يرجاه لاتحسب ان الصد صعبٍ تحديه .......................ترى الزمن يشكي ومثلي تحداه انشد وتلقى الليل تقصر مساريه .................صدر الزمن يشكي من اقصاه ودناه راحت هجوسك مبعده في هقاويه .....................انشد جبال اطويق واللي ترقاه تلقى زمانك قاصرات ٍ لياليه .....................هذا الصحيح وتدمع العين فرقاه وانت الذي لاضاق صدره نراضيه ...................نتعب على شانه على شان نرضاه ولا انت تدري من زعل عيب اصافيه .....................يادارس اطبوع المشاعر وتدراه يا ما لقيتك تشكي الهم تشكيه ..................وجهك عبوسٍ تشكي الحظ برداه ياللي خذيت القلب وشعادكم فيه ....................رده ترى قلب العنا وافي اشقاه ارفق بقلب هالليالي تفاجيه .........................يابو ثمانٍ مرهفاتٍ مصفاه انا عشقت وعشقي محدٍ يظاهيه ................جيتك على الفطره وذ القلب يغشاه احساس من قمة شعورٍ وطريه ...................عليك ياللي ناسي القلب تنساه في كفي سيفٍ للعواذيل مرهيه ................وفي صدري درعٍ لسهوم المصلاه ياقلبي الليله على وادي التيه ...................جريت ونه والف ونه من الأه اسمع صدى صوت المعنا بتاليه ....................اضحك واقول الله يعين الذي تاه والحق انا اللي تايهٍ في دواهيه .......................مجراك نار تكوي القلب تكواه باغيه قلبي والمشاعر تناديه ........................قلبي عشق قلبه مع الليل ناداه يفداك منهو يجمع اريال وجنيه .........................يفداه وجه الطيب والعز يفداه مثل البواخر لا رست في مراسيه ...................حبك رسا صبح ومسا ابكل مرساه بين الظلوع الحدب حبه ابنيه ....................واكتب عليه من الغلا شي يزهاه لكنّ كيف القلب هذا امتناسيه ...................ياصرح مدري جرح ياجرح ودواه يمكن صواديف الليالي تحاديه. ...........................ولاّ تغلا والغلا في مزاياه لكنّ قلبي ماصبر ليل مشقيه. .......................دنت هجوسي والبلا في محاتاه همٍ على قلبي وهمٍ يباريه ...................... .ولا جروح القلب صعبه تبراه البارحه قلبي من اللي يداويه .......................ياكود وجهٍ يبري الجرح ملفاه حامت شياطين الشعرمن بلاويه ...................وسرحت في عالم صعيبٍ بمسراه هلّت دموع العين هلّت غواديه. .....................على الذي قلبي من الناس بداه اكتب حسين القاف وارجع ومحيه .......................جف القلم حبره ولا نافعٍ ماه شطرٍ نهليبه وشطرٍ نحييه ..................وشطرٍ على ماقيل ملعون مثواه هذا حبيب ولا عليّه مشاريه ...................عشره قديمه والحكي توّ معناه ترى الوفا والطيب حق ٍموّفيه ......................ترى الغلا والحب حق موّفاه من باعني بعته وتقصر خطاويه ................مدعي عليه ادعي عسى الله يرعاه لا ياندي العرض هذي تواصيه .................ابوي انا اللي وافي الهرج بوصاه وانا الذي من يشري القلب شاريه .......................هذا محله قلبي واسعد بلقياه اقلّطه في صدر قلبي وهلّيه ..................ارحب هلا واهلاٍ وننحر له الشاه ونقدّم الفنجال والهيل حاليه ...................اشقر مقره من ورى الهند مجناه يعني انتهى المشوار لاباس ياهيه .................خمسين بيتٍ شاعر الجن سواه وخمسين بيتٍ تقفي اللي مسويه ..............مسرج خيول الجن واهجيك بحكاه من قدّم الطيبه نرفّع معاليه. ..................ومن قدّم السيّه مع الدرب دسناه ادعيك من قلبي وانا الغير مدعيه .................مشتاق انا والشوق وشلون ابنهاه في داخلي حربٍ من الشوق مذيه ..................والصبر طعمه مر وكيف اتحلواه من لايعرف الحر لاشك يشويه .............اخطيت في حقي وانا ارجيك رجواه انا الذي منهو رقا فوق اوطيه ........................عليك ياللي كل رجمٍ تعلاه لا تحسب اني بسهر الليل مقضيه ...................جاتك مثايل وفهم القول وقراه قبل امس احبه وفتخر في تلاقيه .................واليوم هذا مثلي صرّح كرهناه الخط الاحمر ليه نفسك تعديه .....................قد قلت الك ومحذّرك لا تعداه رادي ومثلي لاحشى ما ترديه. ..................درب الردى لارحم منهو تمشاه كان الغدر ميزه وتفخر بتاليه ......................الله يعينك تالي الوقت عزاه تصبح مابين الناس محدٍ يدانيه .................قبلك صفق يمناه في كف يسراه الرادي اللي يمشي محدٍ يراعيه ...................هذي حياتك باخر الوقت وتلاه ياللي تقول الحب وافي ومرخيه. .................حبل الوفا تقصره وشلون ترخاه الحر لامن فز يكفخ جناحيه ..................انا عزيز النفس واللي ورثناه المرجله والطيب لازم نقديه ....................ماني شحيحٍ تايه ارداه برداه واليوم ياوجهٍ بدا فيه وشفيه .....................الاّ عرفت القلب هذا ومرضاه لا يالذي قلبك من الغدر تحشيه ....................هذا وانا مهجيه وذكر حلاياه .لكن علي الله ماعاد انا ارجيه ....................في رجعته همٍ ولا عاد نبغاه فيه البقا واللي حلاته نعزيه ......................اقولها من بعد هذا عرفناه يرثيه وقت الحب والحال ترثيه ....................كم واحدٍ قبلك ترانا رثيناه وختم قصيدي عد ماهب ذاريه .................على النبي اللي طريقه مشيناه عـــاشق الــذكــرى 07-21-2009, 01:51 AM اسف ياحبايبي على التأخير لااني ما خشيت(هرب هاه طيب) يالله ياباشا يا قصيده مات شاعرها اطربنا ابي قصيده عن قصتي انا وياك (66666) ما عليكم هو فاهمني وقصه الستتات روعة الغرام 07-21-2009, 01:51 PM واخيرا مابغيت تجي الله يهداك بس <<<<<< حنا قلنا خرج ولم يعد روعه روعة شي مو طبيعي قرأتها اكثر من مره وبرجع اقرأها الف شكر لك روعة الغرام 07-21-2009, 01:53 PM قصيده يالله لاتتأخر علينا بأنتظارك اخوي قصيده مات شاعرها 07-22-2009, 01:45 AM يا مرحبا يا مغلط في تلفوني .. مسموح مسموح والغلطات عفويه صفرين تسعه وسته سته تموني .. الرقم هذا فتح خط السعوديه ان قلت لبيك امر هذي عيوني .. فتحت ذا القلب والنيه على النيه يا صاحبي وان نشدني طيفك شلوني .. اقول طيب وطيفك فيه ماريّه مارية يوم تقبل تجذب لحوني .. واجر له من لحون الشوق قافيّه بيحت ياقاصد الغضات مكنوني .. وانا رومانسي احب هل الرومانسيّه من دونك اعيش وانت تعيش من دوني .. الين اوحيت صوتك لعنبو حيّه ضجت زوايا خفوقي وانشد ركوني .. وانا ولد شيخ لي هيبه وشخصيه الارض ارضي وكون المرجله كوني .. لكنه الحب والعاشق و طاريّه تكفون بالله ياناس لا تلوموني .. الصدفه اللي بلا ميعاد جبريّه يا نجد ودي اغني بك على هوني .. حورية الارض فوق الارض نجديّه يامرحبا يامغلط في تلفوني .. مسموح مسموح والغلطات عفويّه صفرين تسعه وسته سته تموني .. الرقم هذا فتح خط السعوديّه اترك الاختيار لصاحبة الموضوع عاشق لاعاد تتعود الطلبات هاذي والقصه ماراح اذكرها نهائيا :asd::207: روعة الغرام 07-23-2009, 07:14 AM الف شكر لك قصيده ولا أحلى انا بختار مديرنا الرائع (( صاحب السموو )) واترك الخيار له بنوع القصيده اللي يبيها صاحب السمو 07-23-2009, 07:39 AM مشاء الله ماعلي الا اني اطلب قصيده ابي قصيده محمد بن فطيس ياهيه روعة الغرام 07-24-2009, 05:01 PM صاحب السمووو حنا نبيك انت تختار قصيده وتجيبها لنا يالله حصل خير لعنونك انا جبتها لك <<<<<<< تدلل مديرنا ويمون قصيدة جميلة جدا لشاعر مبدع شاعر المليون / محمد بن فطيس المري ياهيه إلتفت لي وإسمع دعاي لك يـا هيـه ترى عادتك تشبـع مـن البعـد واتواجـه دعيتك بصوتٍ ياصلـك ليـه مـا توحيـه وأنا أسمع ضلوعك من صدى الصوت لجاجه عليـك الفـؤاد إخلاجـه مصمـخ راعيـه خف الله في راعيـه مـا تسمـع إخلاجـه ترى العفو قد جـاك أولـه وإغتنـم تاليـه وترى الحلم بحرٍ غيـر لا تامـن أمواجـه وترى الـود ليـلٍ مظلـمٍ جيت لـك ساريـه سراجه وصالـك والجفـا ينفـخ سراجـه وترى قصرنا اللي كم سنة نجمـع ونبنيـه هوى العذل طيـح بابـه العـود وسياجـه لي أيام مـدري ويـن دارك ولا أدري ليـه وأنا خابـر إنـي بـاب شفـك ومزلاجـه غيـابٍ بـلا سبـة هجـادٍ بــلا تنبـيـه وجفا أغلى العرب نارٍ على الكبـد وهاجـة نضج قلبي من البعـد وش حاجتـك تكويـه جفاك الجمر والصبر فـي بعـدك الصاجـه وطبع حبـك بقلبـي والأيـام مـا تمحيـه هـذا هجـرك يحـاول يموجـه ولا ماجـه يموت الأمـل لكـن ظنـون الغـلا تحييـه وعروق الوفـا فالـروح والقلـب وجاجـة خبرتوا حدٍ يبكـي علـى واحـدٍ يبكيـه؟؟!! وخبرتوا حدٍ مسجون ما يبقـي إفراجـه؟؟!! أحبـه ولا أبغضتـه علـى شـيٍ يسويـه ولا زالـت رقـاب الرجـا فيـه منعـاجـة عسى منزلٍ ضمه حقـوق الوسـم تسقيـه وتضحك له الدنيا وهـو يضحـك حجاجـه فقد خاطـري شـي مـن الضيقـة مسليـه وغدت روحي من النـاس والليـل هجاجـة أروح لمكـانٍ خابـره .. خابـره ياتـيـه أسوق القدم صوبـه وهـي مالهـا حاجـة مكـانٍ نزيـه وأول مواجهـي لـه فـيـه وأنـا خابـرٍ مـا رجـل مثلـه بـدواجـة لعل وعسـى مـا حدنـي للمجـي يدعيـه وأشوفه وأنـا مـا ودي أسبـب إحراجـه يحب الجريح آخـر دروب اللقـى ويجيـه وتحـب القـدم جيـة مكـان أول مواجـه اسير الغرام 07-24-2009, 08:46 PM تسلم يمناك خيتوووووو روعه ولاهنتي ع القصيده روعة الغرام 07-25-2009, 08:40 AM الله يسلم عمرك وش رايك تختار اسير قصيده وانت اللي تجيبها اسير الغرام 07-25-2009, 09:55 AM يا كثر مـا رافقـت خـلان واحبـاب ويا كثـر مـا فـي شدتـي هملونـي على كثر ما أعدهـم ستـر وحجـاب على كثـر مـا احتجتهـم واتركونـي من صارت الخوه ثمن حفنـة تـراب نفس الوجيه اللي نصوني.. نسونـي من غير ذكر فروق، وعروق، وأنساب كانـوا ثلاثـة ..والثلاثـة جفونـي علمتهم وشلـون الأهـداف تنصـاب ولما سواعدهـم قـوت..صوبونـي عشاني أصغرهم عمر صاروا أحـزاب عشانـي اصدقهـم قصيـد اظلمونـي اللي نجاح اسمي زرع فيهـم أنيـاب حتى النصيحة مـا بغـوا ينصحونـي دام العطايـا عندهـم ديـن وأتعـاب والله لو أطلـب ذنبهـم مـا عطونـي طالب نصيحة، كنـي طالـب أرقـاب وهي نصيحة؟!كيـف لـو زوجونـي؟ كنت أكتب لنفسـي مشاريـه وعتـاب ولا ادري إن اللي قروني.. قرونـي تضاربت من دونـي عقـول وألبـاب واجد بغوا غيري.. وواجـد بغونـي أقفل هدب.. تسهر على شعري أهداب كني حبسـت إرقادهـم فـي جفونـي لو شفتهم واحد.. يشوفوني اسـراب مـن ويـن مالـدوا نظرهـم لقونـي أثري وجودي بينهم محرق أعصـاب ومزعل بعضهم من بعض لو طرونـي يا كبري بعينـي وأنـا تونـي شـاب واهـم كتـاب الشـعـر حاربـونـي حتى ولو يهوي على نجمـي شهـاب يكفينـي إن إسمـي كبيـر بعيونـي كد قال ابوي: ان هبتهم قول: ما هاب لو يقدرونـك قـول: مـا تقدرونـي مادام قبـري محتضـن راس مرقـاب علـى كثـر مـا تقـدرون ادفنونـي لو ماني بذيب إنهشت عظمـي ذيـاب لو ما عرفت اثبـت وجـودي لغونـي لو ما سكنت وجيههـم مـت بغيـاب لو ما قدرت أمحـي ورقهـم محونـي أصبحت الأصعب لأنهم كانوا اصعـاب جننتـهـم مـثـل مــا جننـونـي ماجيت أبدبل كبدهـم شعـر وخطـاب ليـن أدبلـوا كبـد الـذي خلفونـي يا ويل وجهـي كـن للدمـع مخـلاب ما جف ماه ولا استحى مـن طعونـي كل ما طرالـي منظرمريـب وأرتـاب كان الوحيـد اللـي يحـرك شجونـي قبلة صلاة،وذكر، وخشـوع، وكتـاب وأمي علـى سجـادة النـور دونـي تدعي لي الله يفتـح بوجهـي أبـواب تتوسلـه بالشـده يـكـون عـونـي من كثـر مـا خفاقهـا بالدعـاء ذاب صارت تحس إن زمـلاي اكرهونـي بشرتها:يمه معـي ربـع وأصحـاب مانـي لحالـي واجـد اللـي يبونـي من يوم ما حاز قلمـي كـل الالقـاب قلطتهـم فـي دفتـري واحفظـونـي الله وهبنيهـم بنـي عـم وأجـنـاب من يوم جيت اعجبتهـم واعجبونـي واعجابهم فيني ما هو بأيـه اعجـاب باسلوبي، بشرحي، بطرحـي، بلونـي لوقلت عن نفسي(بشر)..صرت كذاب لو قلت :(دمي من ذهب) صدقونـي لو بكيفهم كان ازرعوا دربي أعشـاب لوبيـدهـم يتشبـهـون اشبهـونـي من كثر ما صاروا من طبوعي اقـراب حتـى بلبسـة شمغـهـم قلـدونـي واجد دعوني واغلقوا دونـي البـاب واكثار ناس أبكـي لهـم مـا بكونـي لوطالـوا لهدمـي مناسيـب وأطنـاب كان وغلاتك مـن زمـان اهدمونـي مدام حطـوا فينـي عيـوب وسبـاب جنبـت عنهـم مـثـل ماجنبـونـي أصلا لـو أن بخوتـي شـي ينعـاب ذبحـت نفسـي قـبـل لايذبحـونـي أنا يدي لـو ماكسـت متنـي ثيـاب نذر ٍ على لقطع يـدي مـن متونـي موعيب أجي مدعو ولا أشوف ترحاب العيب لـو إنـي رجعـت إن دعونـي مادمت اجي ولا يحسبون لى حسـاب حرمـت اروح اذا يبونـي يجـونـي للشاعر حامد زيد http://www.youtube.com/watch?v=asaHEKubPMA روعة الغرام 08-17-2009, 07:17 PM يعطيك الف عافيه وما قصرت روعة الغرام 08-17-2009, 07:18 PM انا بختار عسولتنا حكايه حلم روعة الغرام 08-31-2009, 10:20 PM علشان حكايه حلم مو موجوده بختار زين الصبايا روعة الغرام 01-10-2011, 06:19 PM بختار امير بكلمتي عنيدة المشاعر 09-15-2011, 03:08 PM جميل جدا ً.. ،، شكرا ً لك روعة الغرام 11-17-2011, 08:18 AM نورتي