أسبوع مر ولا وصل منكـ مرسال ..
يا قو قلبكـ كيف تقطعني أسبوع
الجوع كافر وأنت ما ترحم الحال ..
وأنا عليكـ من الولهـ ميت جوع
ياللي غيابكـ صعب يطري على البال ..
تركتني ضايق وحاير ومفجوع
ما كني الا شايب فاقد عيال ..
وما كنكـ إلا محرم حق مشروع
يفوع لكـ قلبي ليا مر الأطلال ..
ياليت مالي قلب يشتاق ويفوع
حسبي عليكـ اشلون قطعت الآمال ..
بمووت لاصار الأمل فيك مقطوع
يا صاحبي ما كل نزّال رحّال ..
انت الحيا من وين مارحت متبوع
نسياني الزول بالأعماق يختال ..
أصعب على صاحبكـ من حبة الكوع
لو الثمن في شوفتكـ عمر رجال ..
كان الثمن من يوم ماغبت مدفوع
ولو القدر ما تم قولهـ ليا قال ..
ما ضاق صدر ولا انحنا راس مرفوع
يا صاحبي عشقتني فعل وأخصال ..
وأنا عشقتكـ شعر وأحساس وأطبوع
وشلون تتركني كذا لاشهب اللال
وقدام عيني تجف ينبوع ينبوع ..
وأنا عشانكـ جيت والغيم همال
أسيل الوديان وداحم جموع
ما ردني عنك سواليف عذال ..
تزعل علي ربوع واتقدر ربوع
كان المهم أعيشك جنون ووصال ..
ويكون لي كلمة ولي راي مسموع
واليوم ضاقت بي من الجال للجال ..
فرقاكـ تقسم ظهر وتحز وتلوع
لوجيت شفت الحال ما سركـ الحال .


راقت لي فنقلتها لكم ...

لـــ شاعر:محمد جار الله السهلي

http://vb.3slksa.net/showthread.php?...C7%D3%C8%E6%DA (http://vb.3slksa.net/showthread.php?t=2627&highlight=%C7%D3%C8%E6%DA)

مكرر يعطيك العافيه

اذكر ان القصيده موجوده بسس قلت خلني ابحث وبحثت ولا جاني شي
مب مشكله يعطيك العافيه يارب