http://forum.sedty.com/imagehosting/13728_1258260979.gif

وشلون غبت؟،
وخابرك يوم أحاكيك
بتغيب يوم ..
ومن هكـ اليوم باسهاب !


يعني نموت من الحزن
ما نلاقيك ؟!
ونصير من بعد الغلا
(غرب)، وأجناب ؟؟؟


يا حيف .. كنت أغليك،
وأهواك و [ آبيك ] !
يا حيف .. ماعدنا حبايب،
ولا أصحاب !!




http://forum.sedty.com/imagehosting/13728_1257877310.gif

شقول للأشياء .. لا جات .. تشكيك
سادي على هالناس، لو كانوا أحباب!


فاقدك قلبي حيييل ، والعين ترجيك !
والنفس تشره، والعقل حاسب حساب


دفترك مبطي ماانفتح .. ناطر ايديك !
فوقه بنى غبار الزمن .. [كومة تراب]


وتسأل عن أحبابي ( طيور الشبابيك )
وآقول: "مدري وينهم، بس غيَاب" !!





http://forum.sedty.com/imagehosting/13728_1259624203.gif

أذكرك
مع صـدح فيـروز الأغاني
مع بداية عامنا
ويش الجديد ؟


شوق / وغياب ،
وكسل مشي الثواني
و ( انتظـار ) الباب
ساعيــن البريد


انتظرتك ..
ليـن بـرد الما ( كواني )
انتظرت بـ فارغ أحزاني ..
وحيـد





http://forum.sedty.com/imagehosting/13728_1257259085.gif

كان صدرك
ضاق بالشعر و (بلشتك ) ..
والله ان الشوق في الغربه
( بلشني ) !


ليتني ما حشت شي
وبس حشتك ..
والا حشت اللي أحوش
وقلت: حشني !


البلا اني أشعر اني
[ ما وحشتك ] ..
وانت ( والله ) كل شي بك
وحشني !





http://forum.sedty.com/imagehosting/13728_1260137419.gif

بكيت يا أغلى الأماكن
على الناس ،
والناس ما فيهم وفيّ (ن) ..
وزارك !


كم ليلةٍ مرّت بهم
فيك جلاس !
كم صبح سُرّت عينهم
في خضارك !


مات الشجر
من غير ما يطعنه فاس ..
والورد يذبل
من طويل (انتظارك) ..


لا تنتظرهم ،
يا صديقي .. أنا حاس :
ما يرجعون ،
ولا يجون لْـ مسارك !


أَمسح دموعك
يا صديقي عن الناس ..
وانا دموعي ..
روّحت لاحتضارك !!





http://forum.sedty.com/imagehosting/13728_1261495896.gif

آسف على حلم .. مالي به جدارة
عشّمني الوقت بأنّي راااح .. أطوله


أصابع الوَقت تومي لي بـ اشارَة
"ما كل مانشتهي، يُمكن حصوله"


وارجع أجَرْجِرْ شعوري بـ الخسارة
واحساسي بشي مدري كيف اقوله


الفقد يشعرك بـ الخذلان / تارة ،
وتارة يحسّسك بـ مصافح بطوله!





http://forum.sedty.com/imagehosting/13728_1261496014.gif

طَبطَب ..
على كتفي مطر،
والـروح بردانـه !

كنّه يقول:
"اصبر ترى باكر /
تبـي تدفـا" ..!





http://forum.sedty.com/imagehosting/13728_1259977308.gif

الحزن والهم,
( وكم نقطه وإلخ )
ماتركوا فيني مكانن،
مــا سكنوه


وأنت, لو مالله رزقني
بمثلك (أخ)
كان مبطي,
والعــزاء بـي قبلوه





http://forum.sedty.com/imagehosting/13728_1257369110.gif

اليوم خفت ( افقدك )
والدمع [ جت ] خيله /
تسابق الريح في خدي
( عقب ) حارت !


مايذبح .. القلب
( فرقى ) صارت بليله
المـــوت وسواس
( فرقى )
[ مابعد ] صارت ..!





http://i48.tinypic.com/2n06m0x.gif

اليوم انا من هاجس فراقنا
[ ضقت ] ..
اخاف باكر "تذهب العقل"
ذكراك !


ياخي اذا ان المسأله
( مسألة وقت ) /
ابختصر حزن المقابيل,
و [انسـاك] !


مابي احس اني ( بعد مده )
اشـتـقـت ..
وارجع على شان [ الوصال ]
آترجاك !


وانا اكره الدنيا اذا يوم
( دنقت )
وطاحت دموع الحاجه
اللي / (لـ) شرواك !!





http://forum.sedty.com/imagehosting/13728_1257369206.gif

اسالك بالذي
خلا خفوقي ( يخاف ) ..
[لمني فيك]
ماودي جروحي ( تهيم ) !


[ جرحك ] اللي مشى
بين الضلوع النحاف
[ مثل ]
صوت الخطاوي ..
فوق عشب(ن) هشيم





http://forum.sedty.com/imagehosting/13728_1260559133.gif

انت وينك ؟
مابقى شي بالدنيا .. يطيب
يوم اناظر بعدك الناس ..
مدري وش لمحت !؟


هي شماتة عاذلين،
وهقاوي ماتخيب ..!
هي وجيهٍ .. تجهل
اني من ايديّ / انجرحت !


من بيفهم ... وش يدور
بخيالات الصويب
ياكثر .. حاولت
ابين شقاي، ولا نجحت !!


من كثر مااحكي لنفسي
حسبت اني غريب
عاد انا .. من هرجة الناس
قلي وش ربحت؟!


ليت .. للواحد مع العالم
اكثر من حبيب !
كان لاضايقني فلان ..
يم فلان .. رحت !





http://forum.sedty.com/imagehosting/13728_1257369255.gif

مافقدك الكـون كلـه ..
بس انـــا ؟
{ .. محتاجتك !


وينها ارضك .. يالله ؟!
خطوتيـــن
.. و ..
{ .. جايتـك !





http://forum.sedty.com/imagehosting/13728_1257368406.gif

وان حكوا للغصن
عن [ غدر ] الحمام ..
لااا يهمّك كذبهم,
وابقى ( عظيم ) ..

خلك ..
أكبر من سخافات الملام !
ومن صباح ٍ [ ينسجونه ]
( من عتيم ) .. !!





http://forum.sedty.com/imagehosting/13728_1256313190.gif

ياليتك يوم رحت ولا التفتّ وصرت انا لحالي
معلمني اروح ولا التفت من يومها .. وانساك !!


أو انك ... قلت لي ( كلمة عزا ) لامرت فبالي
اقول: الله يجبر خاطرك , ويبيحك ، وياقاك !


انا لو كنت .. افكر في فراقك .. قد تهيالي
ولكن خفت لا اكسر خاطرك لو بحكي بفرقاك


ترى ماتذبح الا طعنة السكين ( من غالي ) ,
هذاني مرتين اموت من حبك / ومن يمناك!


وانا من كثر ( ما آمنت ) بالفرقى شف ظلالي
اناظربه .. واخاف انه يخليني على ذكراك !!





http://forum.sedty.com/imagehosting/13728_1261496156.gif

يا صاحبي وش هو المطاف إلا قلوب العاشقين ..
يا صاحبي وش هو الفراق إلا نهايات المطاف !!

عمر الندى ساعات .. والا العمر: عمر الياسمين ؟
والبرد ما هو بالضلوع .. البرد من برد اللحاف !

أقسى علي من الفراق إلى سألتك: أنت مين ؟!
واقسى عليك من السؤال إنك تجاوبني: أخاف !!





http://forum.sedty.com/imagehosting/13728_1261496234.gif

[ أخاف ] أسولف لك
عن همومي ( اليوم )
ولا أنتهي إلا
مع (صبح باكر) !!


ما تنجح البسمه على وجه
[ مهموم ] ..
وأنا الذي دايــم أجيها ..
( مذاكر ) ..!





http://forum.sedty.com/imagehosting/13728_1261496281.gif

بردان ابدفى .. على ايديك .. !
.. .. .. واتوشّح .. انفاسك .. لحاف !!


. ما ودي ترحل وآنا .. ابيك .. !
.. .. .. لا ترعب آمالي .. آخاف !!





http://forum.sedty.com/imagehosting/13728_1261496424.gif

أعرف إني بقلبك،
باقي(ن) لو جفيت !
لو تقول:
إن صدرك بالمفارق
[ ملي ] .. !


اتحداك كانك
في بعادك نسيت
يوم أسمّيك:
ثالث والدي، وهلي


غيبتك علمتني
لا ذكرت / وبكيت
إني أموت من حبك ،
ولا أحيا خلي ..!





http://forum.sedty.com/imagehosting/13728_1261496496.gif

و ما يحس بــ [ بَرْد قَلْبَكـ ]
غير من يَسكن شِغَافه ..!
كُلْ ما ../ خَيَّم .. عليك
الـــ بَرْد !
جابته ,, الثواني ..!!


الدِفَـــا : ما هو بــ فَرْو ٍ .. /
تَلبِسَه / وإلا لِفَافه !
الدِفَـــا : روحك تــضُمْه ,
من غلا .. / في روح ثاني!





http://forum.sedty.com/imagehosting/13728_1261496348.gif

ما أنت الأوّل, كثير
اللي هنيّا سكن !!
( لو توايق ) تشوف
بـ عينك الأمكنه


كيف أضحت بعد
ما هملوها، و كن ..
كل واحد سرق عمري
بما أمكنه ..!!


كنت واقف،
وأنا منهد مني [ ركن ]
وكل وجهٍ خذلني
للغياب ( أركنه ) ..!!


وأنت يا أنك تكون /
أو لا بقلبي ( تكن )!
كان [ تقدر ] ترمّم
مابقى فـ / أمكنه


وكان مثلك، مثل من روّحوا
فليكن ..!!
من هنا .. أفقدك
قبل أفقد بك الأمكنه ..!!


http://forum.sedty.com/imagehosting/13728_1261897954.gif

المطر، والليلّ، والبرد، ( وأنا ) !!
فاقدينك - وأنتْ تسرف فـ الغياب


غاب صوتك / لكن طيوفك (هنا)
فـ الحديقه ، فْ المدينه ، فْ الضباب !

لاخلا ولا عدم يارفيف ..



من يمين مانعدمها ذووق يابنت :)

ذوق واللهي ..
مبدعه يارفيف ’ دآم لنا طرحك
ولآع ـدمناك يالغلا ..~

واو روعه بجد تسلم يمناك

فدييتك على الروووعه ..
كلهم حلوووين وذوووق مثلك ..
تسسلم دياتك ياجياتي ..
ماننحرم..
دوك..http://www.coalles.com/vb/images/smilies/0709/no2on(s)186.gif

في قمممَة الأبــٍدآع ...
تميزتــٍي في طرحك يآغلآتي ,...
عوآفي َ ...

آسف على حلم .. مالي به جدارة
عشّمني الوقت بأنّي راااح .. أطوله


أصابع الوَقت تومي لي بـ اشارَة
"ما كل مانشتهي، يُمكن حصوله"


وارجع أجَرْجِرْ شعوري بـ الخسارة
واحساسي بشي مدري كيف اقوله


الفقد يشعرك بـ الخذلان / تارة ،
وتارة يحسّسك بـ مصافح بطوله!



قمه بالروعه

لاعدمناك