على يـدينـك إذا تــسمح تكرّم بدّل أوضاعـي
إذا لي خاطــرٍ عـنـدك تـصرّف لا تـخـلينـي
لغيرك مستحيل أشـكي وأبين له عن أوجاعـي
أنا ما أبغـى بهالدنيا سواك أحدٍ يواسينـي
أنا المـحـتار يـوم إنه دعا قـلبــي لك الـداعــي
دواعي الشوق يالغالي تبعـدني وتـدنينـي
معـاناتي عـلي تـفرض أقول القـلـب مـلـتــاعِي
أجــامل والمـجـامـل بالنـهايـه لك يـودينـي
تمنيتـك تسـاعدنـي أفـل فـي بحـرك شراعـي
توقـعـت إن يدينك بالحقيقة تسبق ايدينـي
على يدينك ترى للـصبر وسط الجـوف مـربـاعي
أشـوف الهجــر ولاّ الوصل يالغالي يداوينـي
يطـول الـهـجـر أو يقصر تزايد فيـك أطـماعـي
مــودّتنا عـلى قـلبـي عـزيـزة لا تـعـنّينـي

لغيرك مستحيل أشـكي وأبين له عن أوجاعـي
أنا ما أبغـى بهالدنيا سواك أحدٍ يواسينـي

صح لســـــانك وتسلم يمناك ،،

لاهنتي ع الطرح ،،

تقبلي مروري

الله يسلمك على هالمروري لاتحرمينه منه....
بالتوفيق..

صح السانك


كلمات في قمه الروعه والجمال

كلمات صادقه واحساس عالي

جميل جدا ً ... شكرا ً لك