القصيده تتكلم عن نفسسها أما أسبابها كلن يدور له سبب . :(






على الله يامشاوير الضيـاع وعثـرة الاقـدام

يعين الله على عوج الـدروب وباقـي ايامـي!

على الله كل ماشان الزمـان وخانـت الايـام

على الله كل مااشوف الطريـق يظيـق قدامـي
على الله كل ماصدري يظيق وخاطري ينظـام
على الله كل ليله حزنها يعزف علـى انغامـي
مقدرياشقـا عمـري اسيـر برحلـة الاعـدام
واضم بداخلي نار الخفـوق وجمرهـا حامـي
حزين ولامعي غير الجرووح ولوعة الاعـوام
على وجهي تقاسيم الضيـاع ونكبـة اعوامـي
حياتي كلها رحلة غمـوض ونقطـة استفهـام؟
طلاسم خطها كف الزمـان.. لعثـرة اقدامـي
بقالي من مسافـات السنيـن المقفيـات حطـام
بقايـا امنيات.وحسرتيـن بسـلـة حطـامـي
بقايا طفل رافقه الشقا مـن يـوم عمـره عـام
تحدته الليالـي والظـروف وعـاش منظامـي
غرير ٍلاكسا الكون الظلام اطفا السـراج ونـام
وصحى يحلم متى اكبر كبرابوي وباقي اعمامي
عنيدليازعل شـق الكتـاب وكسـر المرسـام
وجلس يصرخ عبث وين الكتاب؟ووين مرسامي
شجاع ٍمارضى يصبح ذليل ولارضى ينظـام
رغم كبر الظروف وصغرسنه موقفـه سامـي
قدريرسم بصفحة دفتره(قلب)و (وطن)و(اعلام)
وكتب فوق العلم (عاش الوطن في ظل حكامي )
حفظ من ربـك؟ الله لاسواه!ودينـك الاسـلام
ونبيك هو رسـول الله محمـد خيـر الانامـي
يمـر العمـر وتمـر السنيـن برحلـه الآلآم
وجروحي تشرب اوجاع العذاب وخافقي ظامي
كبرت وكبر همي والجروح وكبـرت الاحـلام
وطموحي هو طموحي يازمن واوهامي اوهامي
نسف كف القدررجم الطموح وبعثر الاوهـاااام
وتلاشت مابقى غير القصيد وجـرة اقلامـي

هلا بـ راضي هالقصيده اول ماقريتها توقعتها لك


فيها من شخصيه رآضي .. صح لسآن قايلها وتسلم يمين من نقلها



عسى الله يزين آيامك ولاتشوف ضيق بعمرك

يعطيك الف عافيه

روعه, شاكر لك ابداعكـ~

ياللي تقولون كل ملحوق مطرود
كم حاجتن راحت ولا احدن لحقهـآ ..!

من خلف الشجون
من افاق الجنون
من جنة الحب
من طيف الاماني ارسل لك شذى وعبيرا
ومن عطر الزهور
المنثور بين سطورك
الباكية ارسل اجمل
باقة زهور مكللة بالشكر
الكبير على الابداع المميز
صح لسانك ولاهنت ياراضي

بعض القصاائد ياوضااح يقولها الشااعر ولكن تحس انها اقرب لك من الشاعر نفـسه كأنه يتكلم بلساانك ويكتب مافي داخلك فهذا من قوة القصيده وحبكة شاعرهااا تسلم لي يااوضاح ولاهنت


اخوي نصرااوي الله مير يبقيك ويخليك لعين ترجيك ويرجعك سالم وغااااانم ولاترجع الا وجايب مراااادك [ تكفى ]



كابيو كم حاجتن سعينالها وأزرينا عنها :)

تسلم لي وصح الله بدنك وجعل ابوك للجـــــنه ماقصرت ..

على الله كل ماصدري يظيق وخاطري ينظـام
على الله كل ليله حزنها يعزف علـى انغامـي
مقدرياشقـا عمـري اسيـر برحلـة الاعـدام
واضم بداخلي نار الخفـوق وجمرهـا حامـي
حزين ولامعي غير الجرووح ولوعة الاعـوام
على وجهي تقاسيم الضيـاع ونكبـة اعوامـي
حياتي كلها رحلة غمـوض ونقطـة استفهـام؟




منور راضي

قصيده معبره وفيها حزن


عسى الله يفرج عليك وعلى كل مسلم يارب


يعطيك الف عافيه

الله مير يعاافيك ويخليك يارب

ويفرج عنك وعن كل مسلم يارب ..

صح السانك

دائما مبدع في مواضيعك وقصايدك وحتى في ضحتكتك

قصيده مليئه بالحزن ورائعه من ناحية الحبكه

ذوق بأختيارك راضي , يع ـطيك الف عافيه

ولآإع ـدمنــاك ../~

منووور رااضي

يعطيك الف عاافيه لاهنت...

الله يسلمكم ويرضى عليكم لاهنتوووووووووووو ,,,,