القصايد كـل يـوم تمـوت غيـره
ليه لانك منهـل الشاعـر وقافـه
من غيابك شوف مدتهـا قصيـره
لا تخاف اجيـز غيـرك لا تخافـه
البيوت اللي ماجابت عنـك سيـره
والله أن تبطـي رهينـه للحسافـه
رحت والدمعه مهي منـي لآخيـره
يوم طاحت فاليدين مـن المسافـه
جعل عينٍ ماتدامـع لـك ضريـره
وجعل صـدرٍ مايحنـك للكسافـه
أن دعيت الهجس وردت عن بصيره
وإن ذكرت النهر غنيـت لضفافـه
أذكرك وتهـب نـودٍ مـن عبيـره
والخيال يجـود وقفـه وأنصرافـه
للتوجد لـو أسافـر , زمهريـره
تأكل الأخضر قبل موعـد جفافـه
والآدمي لو كان يعلم عن مصيـره
مالحق رجله من الطيحه مخافـه !
أنت جرحٍ مـن شقايـه مستعيـره
أستضافتك الضلـوع , ولا كلافـه
حولت عيني عليك وقلـت خيـره
أعترفت وصدق القلـب أعترافـه
أيه ياحلـم الفقيـر , وياعشيـره
من عذلني فيـه تنعـاه الصحافـه
الرهيف اللي تباهـى بـه حريـره
مهتوي سلب الجـوارح بأحترافـه
كن سيفه يوم سلـه مـن جفيـره
شايـشٍ دون الامـاره والخلافـه
مضميٍ شوفه وذابحنـي هجيـره
والحظوظ مكبله , والحـزن زافـه
السنيـن تـدور والحالـه مريـره
والترجي شـيء مايستـر لحافـه
مربي هـاك الطريـق ولا تعيـره
يالخيال أن جدت وقفه وأنصرافـه
مسنـي ديـره وصبحنـي بديـره
لين أبارك للمواصل فـي زفافـه!

الله يعطيك العافيه

صح لســـــــــااااانك ،،

روعــهـ هـ هـ هـ ،،

بانتظار الجديد

جميل جدا ً... شكرا ً لك