السلام عليكم ورحمة الله وبركاتة

أسعد الله آوقاتكم بكل خير


http://www.alriyadh.com/2009/02/22/img/252886.jpg


الشاعر الكبير أحمد الناصر يرثي ابنه الذي توفي ثالث أيام العيد

وهو ثاني ابناء الشاعر المتوفين


نهار ثالث عقب عيد رمضاني
ناس ٍ عطاها الله .. وناس محرومه
احدٍ .. قضى عيده سلام وتهاني
واحدٍ .. توصله الكواكب همومه
صادفت صدفه من صدوف الزماني
منها قوّي الحيل تفتر عزومه
هذا زمان الهم والامتحاني
وقتٍ على قلبي تعاقب سهومه
الاوله كامل جميع المعاني
امزبن المضيوم.. شرع الخصومه
محمد اللي بالقسا واللياني
عقبه سمايه غايباتٍ نجومه
والثانيه باقرب قريبٍ وداني
خامس عيالي يوم جتني علومه
قالوا مابين (الخاصره واحلباني)
ولدك مات اللي ترجا قدومه
جا يومه الموعود باربع ثواني
قلت السبب؟ قالوا دنا منه يومه
علم ٍ على الكبد الصخيفه كواني
كية عطب ماتنشكي للحكومه
تهشمت كل الضلوع المحاني
مفجوع.. والمفجوع ما احدٍ يلومه
اخذت لي ساعه وانا في مكاني
حسبت لى عشرين طيحه وقومه
اليا بغيت الهرج ييبس لساني
والذاكره عندي تقول أمعدومه
قمت اتلفت واتسمّع بأذاني
من شاف حالي ماتهنا بنومه
مما بقلبي.. رحت بالليل عاني
للموتر اللي مابقى الا رسومه
عن روحتي ياليت ربي نهاني
ولاشفت دمه سايح ٍ في هدومه
قمت ودفنته والله المستعاني
في خرقة ٍ بيضاء عليه محزومه
يم القويعيه بلاد اقحطاني
والحر غير لون وجهي سمومه
واقفيت من عنده وعشري ثماني
مثل المِصيح والبلاد امحكومه
والله يا لولا اني وسيع البطاني
لا اصكها مثل اشقر الريش حومه
طاوعت نفسي مير عقلي قواني
عن الخطاء مافيه نفس امعصومه

القصيده بالصوت


http://www.alnadawi.com/realaudio/saleh_man3ah_marthia.rm

:21: :21: :21:

يسلمووو ع القصيدة ،، تعور القلب بقووووووة //

لاهنت ع الطرح المؤثر :21: :21: :21:

تقبل مروري

يعطيك العافيه روعه

والله يا لولا اني وسيع البطاني
لا اصكها مثل اشقر الريش حومه
طاوعت نفسي مير عقلي قواني
عن الخطاء مافيه نفس امعصومه

تسلم اخوي واضح على هالقصيده المحزنه والله يصبر الشاعر احمد الناصر واحمد الناصر من كبار الشعار وليست غريبه منه هذه القصيده الحزينه وارجوا منك اذا تحفظ شي من قصائد احمد الناصر تنزلها لنا في المنتدى خاصه ان له قصائد مغناه من قبل الفنان خالد عبد الرحمن
تقبل مروري

منها قوّي الحيل تفتر عزومه
هذا زمان الهم والامتحاني



أوجعتنا ياوضاااحـ لاهنت جعل ابوك للجنه ....

:asd::Taj52::Taj52::Taj52:
اقسم بالله تحززن مره
الله يصبره ويعوضه خير
هذا يومه وكلنا ماشيين بهالطريق
الله يحسن خاتمتنا ويغفر ذنوبنا ويثبتنا على ديننا
واضح
الله يعطيك العافيه
تقبل مروري
نبض قلبي

تهشمت كل الضلوع المحاني
مفجوع.. والمفجوع ما احدٍ يلومه
اخذت لي ساعه وانا في مكاني
حسبت لى عشرين طيحه وقومه
اليا بغيت الهرج ييبس لساني
والذاكره عندي تقول أمعدومه
قمت اتلفت واتسمّع بأذاني
من شاف حالي ماتهنا بنومه

يعطيك العافيه أخ واضح
تعرف مدى تأثري بمثل هذي القصائد
على العموم لا هنت يا الغالي
تحياتي لك

تقبل مروووي

جميل جدا ً... شكرا ً لك