أبحترق بك شوق وأنت أطفني ضم
ــــــــــــــــــــــــــ أغفي على كتفـي ودمعـك يهلـي
دني دموعك يابعد ..كل مـن لـم
ــــــــــــــــــــــــ تطفي حريقه بالحشى.. نار تصلي
أبشعل الدنيا لقى ..وأركـب اليـم
ـــــــــــــــــــــــ تأكيد حجز التذكـرة بأسـم خلـي
خل العتب بشويش.. بشويش.. تمتم
ــــــــــــــــــــــ وأنا.. بري حالي نسيـت التغلّـي
ودي أعاتب مير يوقف بـي الـدم
ــــــــــــــــــــــ لامن لمحت الخـد سيفـه يسلـي
ماجيت أعاتب صاحبي والبني عم
ـــــــــــــــــــــــ جيتك هدايا يابعد ..كل مـن لـي
جيت بشموخ أمواج بحرك تلطـم
ــــــــــــــــــــــــ وأنا غريقك راضـيٍ فيـك كلـي
جيت أنتشلني جيت.. شاعر محطّم
ـــــــــــــــــــــــ جيت السحاب اللي مزونـه تبلـي
ناديت خافق صاحبي قال لي سـم
ــــــــــــــــــــــــ لبيه ..ياسّمـك ..ومـرّك يحلّـي
والحين وش ودك؟وأنا أقول لك تم
ــــــــــــــــــــــــ مابين وصل وهجر وأنتـه تدلـي
هذي علومي والحكي جـاك للكـم
ـــــــــــــــــــــــــ بعض الحكي ماخوذ وبعضه مخلّي

ودي أعاتب مير يوقف بـي الـدم
ــــــــــــــــــــــ لامن لمحت الخـد سيفـه يسلـي
ماجيت أعاتب صاحبي والبني عم
ـــــــــــــــــــــــ جيتك هدايا يابعد ..كل مـن لـي




ابيآت رآآئعه جدآ من شآعر رآئع

يع ـطيك الف عافيه

ودآم لنآ روعه طرحك ..}~

قصيده مات شاعرهاا

عندما تكون الاحرف من توقيع قلمك يكون للروعة عنوان جميل ومميز
وعسى الله لايحرمنا منك ومن رقي قلمك المبدع
دمتـــ بخير

قصيده

ودي اقتبس من القصيده بعض الابيات خفت اظلم الابيات الثانيه لان


كل بيت اروع واحلى وفيه احساس اكثر من الاخر


يعطيك الف عافيه


دمت متألقا

تبقى حروفك رائعه تحمل الف معنى تسلم على الابيات

اعجبتني كثير الف الف الف شكر على ماخطه قلمك الرائع

جميل جدا ً
شكرا ً لك