ادري فديتـك ياقصـيـدي تـأخـرت
وعـذري مـع ربـي ويعلـم بغيبـي
واليوم ابشر مـن قيـودي تحـررت
جيتك وانا اعوي عوي ذيب(ن) لذيبي
جيتك وتدري وإيش انا اليوم قـررت
قررت اقصد واشتكـي مـن نصيبـي
لرزاق عند الله ومـا أظـن قصـرت
جبت الشهاده وامتلى الـراس شيبـي
ذقت العنا واتعبت عينـي واسهـرت
واسهرت حتى كل جـرح(ن) عطيبـي
وانت النصيب اللي على الدرب ماسرت
صديت مني يـوم وضعـي صعيبـي
اناظـرك وانـا لغيـرك مـا ناظـرت
افرح بصبحي وانقهـر فـي مغيبـي
اشوف كم طير(ن) يحلـق ولا طـرت
ابغى اطير إن طـرت يمكـن أطيبـي
اتسحرك هم ومـع ضيقـك افطـرت
صومك دهـر إلا الصراحـه عجيبـي
لا يانصيبي وانت ضدي وبـي بـرت
مافـاد ماسويـت مـافـاد طيـبـي
شتتني فـي وسـط فقـرك وابحـرت
ابحـرت ادور مـا أحطـه بجيـبـي
هليت دمعي وانـت مالدمـع وخـرت
ليتك مسحت الدمـع او قلـت عيبـي
لا والله وفي دمـع عينـي مافكـرت
وماهمك الـى كيـف تشعـل لهيبـي
لكن تأكد يـا نصيبـي لـو اختـرت
اخترت عزة خاطـري فـي نصيبـي

قصيده رائعه

يعطيك العافيه

انت شنووووووووو انت صح

صح لسانك

يعطيك العافيه ننتظر جديدك

قصيدع روعه

يعطيك الف عافيه

جميل جدا ً ... شكرا ً لك