http://www.freedigitalphotos.net/images/photos/Sunset_Boat_02.jpg



ذكرتك .. و الزمان غروب .. ذكرتك و المكان الشط بالصدفه
ذكرتك .. و العيون تذوب دمع ٍ من حنيني ما ستر خافي

ذكرتك .. يوم شفت الشمس غابت و القمر ينساب من شرفه
ذكرتك .. و النجوم تلوّن لحاف السما و تعاتب الجافي

ذكرتك .. نصف قلبي هم شوق و هم حبك ماخذ ٍ نصفه
ذكرتك .. كل ما فيني حنين و دمعتين و كفي الدافي

ذكرتك .. ما ذكرت إلا عيونك و الجبين و كل ما أعرفه
ذكرتك .. ما نسيت إلا جروحي و الأنين و دمعي الصافي

أنا أول عزاي إني حملت العاشق اللي ما نسى حلفه
و أنا آخر عزاي إنك نسيتيني و أنا طيفك معي وافي

تلوم اللي تفانى في طريق ٍ مالقى في آخره ولفه
إلى منه بكى .. كل الندم في حجر عينه غصب ينشافي

أروح ولا طرت حنيت مثل مضيع ٍ يركض على حتفه
ولا ناديتها كسر حنيني جوف صدري مثل مجدافي

يبيك اللي عيونه ماقوّت تحمل قليل من بعض عطفه
يبيك اللي مشى لك أو مشى بك أو مشى في سكتك حافي

[ يبيك اللي إلى شافك تلعثم بالكلام و ينصعب وصفه
يبيك اللي يشوفك شمس و الدنيا ظلام و دفتره طافي ]

أنا قلت أزعلي خليني أشوف الحنين وش مدى نزفه
أنا ما قلت خليني أقول من الوفا يا الله يا كافي

أموت .. و ما أعود أتذكرك و المشكله طيفك ملا الغرفه
و أموت و ما أعود أنساك يا حبي القديم الصادق الوافي

طلال الرشيد (الملتآع)

ذكرتك .. نصف قلبي هم شوق و هم حبك ماخذ ٍ نصفه
ذكرتك .. كل ما فيني حنين و دمعتين و كفي الدافي


قصيده في قمة الرووعه

ذآئقه شعريه رآئعه رفيف

يع ـطيك آلف ع ـآفيه

دمتي بخير }~

يعطيك العافيه لاهنت

قصيده روعه

يعطيك الف عافيه

قصيده قمه في الجمال

يسلمووووو

ذكرتك .. نصف قلبي هم شوق و هم حبك ماخذ ٍ نصفه
ذكرتك .. كل ما فيني حنين و دمعتين و كفي الدافي

ذكرتك .. ما ذكرت إلا عيونك و الجبين و كل ما أعرفه
ذكرتك .. ما نسيت إلا جروحي و الأنين و دمعي الصافي

تسلم يمينك رفيف الابداع عنوانك

جميل جدا ً ... شكرا ً لك