فتامين واو والله من التحطيم [الأرشيف] - منتديات عسل السعودية ,دردشة عسل السعودية


منتديات عسل السعودية ,دردشة عسل السعودية > ▫• الاقسام العامــــــﮧ •▫ > علامــﮧ تعجب ! .. } ~ > فتامين واو والله من التحطيم المساعد الشخصي الرقمي مشاهدة النسخة كاملة : فتامين واو والله من التحطيم صاحب السمو 08-02-2009, 05:29 AM معي شهاده جامعيه بتخصص مطلوب وبتقدير ممتاز قمت الصباح بكل نشاط ادعي ربي اني احصل شركه تقبلني واحقق طموحي اتزوج واشتري سياره وبيت واعيش حياه هنيه وكريمه اول شركه للاسف ماعندنا وظايف ثاني شركه والله ياطويل العمر شهاداتك وتخصص ممتاز بس اذا صار في مجال اتصلنا عليك وتبداء الدنيا تضيق فينى واحاول اتمالك نفسي بس للاسف الابواب كلها مقفله بوجهي وين ماروح ماعندنا وظايف او مكتفين وكلي امل ان الحال يتعدل بس الايام والشهور والسنوات تمر ومحد معبرني ولا معبر شهادتي اللى بروزتها ورزيتها بصاله ابي امي ابوي يفتخرون بولدهم اجتهد وتعب وجاب افضل الدرجات وتجي في يوم مالك خلق لشي ويتصل عليك واحد من الشباب ويجبرك انك تطلع معاه لمجموعه من الشباب مجتمعين وبعد السلام واخذ الاخبار من بعض يتطرقون لموضوع الوظايف فلان تخبرونه اي والله نخبره ابشركم توظف وراتبه لايقل عن 9000 وانت تقول مشاء الله وقلبك يحترق من القهر مو علشان خويك توظف علشان ماجاء دورك بالوظيفه ومن من طيب النيه تسال يافلان خوينا وش شهاداته هذاك يضحك ويقول ثانويه عامه ولا دور ثاني بس يارجال لاتفكر ولاتحسبها مع حالك خوينا عنده فتامين واو مضبط اموره اذا كل شي بفتامين واو وانا الفقير ماعندي لا واسطه ولا اعرف شخصيه معروفه وش الحل اروح انزل اعلان بالجريده ابي واسطه والا احط لوح عند الاشارات انت ياصاحب الفتامين قد في يوم فكرت مع نفسك انه في ناس بتقطع ارزاقهم من وظايف هم يستحقونها تعالو نفكر لو الامور مشت بدون واسطات والا انا ولد فلان والا اعرف ابو فلان وش راح يكون حالنا طبعا هالموضوع عباره عنوان حال كثير من الشباب اللى ينتظرون الوظيفه قصيده مات شاعرها 08-02-2009, 12:12 PM والله وصدقت اخووووووووووووووووووووووووووووووي لا والمشكله كل مايطلع وزيرنا الفاضل يقولك احنا ولله الحمد نطبق نظام السعوده ماعندنا شباب عاطلين اي سعوده ياعمي كل هاذا خايف على الكرسي يطير منك وفوق نظام السعوده على ماقالوا الواسطه لدرجة انو وصلت الواسطه حتى الخباز اذا ماتعرفه ماتاخذ خبز والله حاله يرثالها على الرغم انا بدوله تنعم بخيرات كثيره واولها النفط لا والمصيبه والادهى من ذالك انو الشركات صارت تلعب علينا ويستغلوا نظام السعوده اللي نسمع فيه ولا نشوفه لما تجي تقدم ملفك عليهم يرحب فيك ويهلي ويقوللك خلاص اسبوع بالكثير ونتصل عليك اهم شي ياخذوا الملف وبعدين يروحوا يرفعوه لوزاره العمل على انهم وظفوا سعودي من شان الوزاره تصرف للشاب نصف الراتب مساعده للشركه فبالتالي الشركه تاكل الراتب اللي نزلته الوزاره للشاب السعودي ولا توظفه يجيبوا بداله اجنبي رآضـي وقنـوع 08-02-2009, 01:41 PM يالربع صح الواسطه مهـي حلوه لاكن ان جات من صالحك وربي ان تحبها في اي شيء بالدنيا تسهل امورك طبعا الكل ضد الواسطه يعني مثلا عندك معامله في الجوازات او المروور او اي دائره حكووميه وانتم عارفين كيف الوضع هناك وزحمته بس لو تعرف احد وتمون عليه وطلبته يعاونك بدال ماتنلطع خمس ساعات ماسك سراء وفي الاخير ماتدري راح يمشونك او لاء خلال دقايق ومعاااملتك خالصه بسبة رفيقك الي تعرفوه هاه قلي كيف الواسطه حلوه او لاء ..؟ وعلى فكره بالنسبه للوضايف البلا مو في الواسطه الي راح توضفك او لاء البلا بعد ماتتوضف في ناس تجلس على مكاتبها وماتسوي شيء وكل سنه لها زياده وترقيات وانت يالضعيف كد واشتغل عنهم وانطر ياا... لين يجيك الربيع ... هنا القهر بجد تقبلو مرووري الداج خخخخخ. رفيف 08-02-2009, 04:01 PM والله في هذا الزمن معاك واسطه تمشي مامعاك يفتح الله.. الشي الثاني ان الشركات نظامها خايس الراتب لايتعدى 1500 ريال وفوق هذا حتى الجمعه تداوم.. وفوق هذا كله رئيسك اجنبي مع احترامي الشديد.. يعني وظائف مافيه انتظر الديوان لما يفتح .. واضـح 08-03-2009, 02:45 AM كالعاده بشطح عن الموضوع ( رفيف قلتي شي يعور القلب ) طلع قبل فتره القصيبي وقال بكل فخر راتب السعودي لايقل عن 1500 ريال !! طيب ياشين 1500 وش تسوي لي ؟ تفتح لي بيت ؟ وياليتها بجد تجي كامله لا مخصوم منها التآمينات و,, و .. الخ قبل 3 سنين كنت موظف بشركه بـ راتب 1800 ريال :mad: انجبرت على هالشركه ذبحني الفراغ والملل والعطاله قلت هي ولا الجلسه بالبيت صافي الراتب مع الخصم بدل هاتف وتآمين كنت استلم 1650 ( على فكره خصم بدل الهاتف مادري ليش حتى المكتب ماكان فيه هاتف خخخ ) المهم كنا 7 شباب بمكتب واحد والموجود 3 كراسي فقط الباقي جالس على الارض الشركه من اكبر شركات المنطقه الشرقيه ( شركه اليمامه للمقاولات ) عساهم الفقر كلمت المدير اكثر من مره يابن الحلال نبي كراسي تكسرت رجولنا من الوقفه ولا ياخوي خلنا نروح بيوتنا ولابغيتو شي اتصلوا كالعاده رفض وقال العمل عمل يعلم الله مده سنتين ماذكر يوم اشتغلت ولا سويت شي جالس بس :( وقالها المدير كاش ماني محتاجكم مجبور اوظفكم عشان مكتب العمل ( قمه الاهانه والاحباط ) اكيد جاء ببالكم سؤال وين مكتب العمل عن هالشركه ؟ :confused: اشتكينا مره وجاء مندوب من مكتب العمل وشاف حالنا بغى يبكي ههههههه سحب اقامات الاجانب بالمكاتب الي جنبنا وراح للمدير يهاوشه وليش كذا والخ ,, بعد نص ساعه جاء صاحب الشركه وطلع هو ومندوب مكتب العمل اصحاب يضحكون وحنا على حالنآ وش صار داخل مدري بس الوضع ماكان طبيعي هههه :icon19: وبنفس الفتره صار تقديم بشركه بي اي ستسم من اكبر واقوى الشركات البريطانيه رحت ادور رزقي وقدمت عليها وكالعاده مانقبلت ماعندي واسطه الى الحين اقول نصيب بس الي يقهر الي توظف بالشركه براتب 14 الف ريال مايداوم جالس بالبيت لان خاله مدير القسم ;) بعدها قررت اكمل دراستي والحمدلله على وشك تخرج دعواتكم لي بس بالتوفيق :ranks2: الواسطه ياقلبوو مهمه هالايام وبالعكس ماهي غلط ولا حرام اذا ماتضر احد شكرآ صاحب السمو وعذرآ على الشطحه ,, صاحب السمو 08-03-2009, 04:00 AM والله العظيم ان ردودكم اسعدتني وشرحت صدري بس ولا يهمكم لا واسطه ولا هم يحزنون ربك بيفرجها جاردينيآ~ 08-03-2009, 04:19 AM كلامي مايختلف عن كلام اللي فوقي كلهم .. الواسطه شي اساسي بالحياهـ حتى صار القبول بالجامعه مب بالنسب بالواسطه.. والله اني احزن على كثير من البنات اللي مانقبلوا بنسب 97 والخ يعني سواء وظائف ولا دراسه الواو ماشي .. اللي عندهـ واسطه بيكون مبسوط واللي لا اكيد بيدعي .. يعني ياكثر الشباب اللي بدون وظايف وهذاهم قاعدين بالبيت .. واذا اذا وظفوا نطلوهم باخر الدنيا .. المناصب لها دور بحياتنا .. ومهما حاولنا ماراح تتغير .. ماعلينا الا الدعاء للواحد الاحد وبإذنه تنحل امورنا .. يعطيك العافيه يارب على الطرح المميز .. ماننحرم فاضلي .. صاحب السمو 08-03-2009, 04:28 AM ازيدكم من الشعر بيت في نظام واسطات جديده تعرف احد بالجوازات او المرور او مكتب العمل او الاستقدام ومستشفي والاتصالات انت مهم رآضـي وقنـوع 08-03-2009, 01:37 PM لاء وفي نضام اطلق منوهـ اذا تعرف لك اجنبي [ امريكي & بريطاني ] انت ملك وكلمتك مسمووووعه وأي شيء تبيه يجيك بسسرعه بالنسبه لي اناء انا متووضف في وضيفه ياربي لك الحمد ماشي الحال جيت ودااومت وانا وربي ماعرف شيء بالانجـليزي اسمي يالله بالله اكتـبوهـ بس اللهم اني حرك راعي شغل رايح جاي تقل خبل في بعض المووضفين مو عاجبهم اناء يعدوني زيادة عدد حتى السلام مايطشوونه علي بس انا شغلي اغلبه مع السكرتيره [ بريطانيه ] الجنـسيه البنت محترمتني وعاجبها شغلي وتشووفني اتعب حيل [ بنت = 51 سسنه ] <-شطحه خخ الزبده دام هالسكرتيره ربي هاديها ومعجبها شغلي اي شيء انا اطبله على طوول ينفذونه لي وأبن امه يقول لاء سواء اكبر موضف او اصغر موووضف الله يديم رضاها علي هههههههههههههههههههههههه فعلن الاجنـبي عايش ملك علينا والله المستعان ... وحيدة زمن 08-04-2009, 05:41 AM مشكووووور اخوي على الموضوع صراحه هذا الواقع وانا حاسه فيك لاني مثلك متخرجه وبتقدير ممتاز مع مرتبة الشرف المهم قدمت دراسات عليا وكانت فيه وحده جنبي طبعا انا ادقق في كل شي لاحضت معها ورقه صغيره كاتبه فيها اختي الغاليه توصي بفلانه والبنت تقديره مقبوووووووووووول شوفوا القهر حسبي الله ونعم الوكيل صاحب السمو 08-05-2009, 12:26 AM ورقه صغيره تدخل وحده تقديرها مقبول واللى تقديره امتياز جالس تنتظر الدور ويمكن يقبلونها ويمكن لا والعذر سبحان الله جاهز يقولون مافي اماكن شاغره والا اكتفينا السؤال اللى يحيرني مين اللى يقيم هذا يناسب وهذا لا تدرون ياناس صارت في واسطه جديده عمركم سمعتو عن زواج بالواسطه رآضـي وقنـوع 08-05-2009, 07:55 AM يارجل اللحين كل شيء بواااسطه وفعلن الزواج اصبح بواسطه يعني انت تجي تتقدم ويرفضونك عاد انت وجهك مغسوول من مرق ترجع لهم مره ثانيه بس تجيب لك واحد يمون على اهل البنت اما يكون مدير ابو البنت او اي واحد يعرفهم ويتووسط لك عندهم ويقبلوون بك لاء وبدون مهر وعلى الضمان هههههههههههههههههههههههههههه الله يرحم الحال بس روعة الغرام 08-12-2009, 07:05 PM ياخوي الواسطه موجوده رضينا ولا ارتضينا اذكر كان جارنا الله يرحمه من رجال الهيئه وتكلمنا بموضوع الواسطه قال وليه تزعلوا حتى الاخره فيها واسطه قلنا استغفر الله ( قال شفاعه الرسول تعتبر من اشكال الواسطه بس بأسم ثاني ) فلا تزعلوا طالما حنا عرب هذا حالنا سي يو صاحب السمو 08-14-2009, 01:05 AM ( قال شفاعه الرسول تعتبر من اشكال الواسطه بس بأسم ثاني ) هذي اجمل واسطه شرفني مرورك فوضويه 08-21-2009, 05:34 AM انا ادور واسطه تعرفلي واحد يتوسطلي ومو بشي سهل ابي واسطه لكل شي كل ما احتجته ابعطيه دقه