همي ودمعي سبته آريش العين
ــــــــــــــــــــــــــــــــ حسبي عليه الله ونعم الوكيلي

مايفيد دمعي مير ضاقت بي سنين
ـــــــــــــــــــــــــــــــــــــــ صابر عشانه والنهايه رحيلي

قلت العذر وينه ووين البراهين
ــــــــــــــــــــــــــــــــــــــ قال العذر موجود وهذا دليلي

حبك وعفته عقب ماجاني الزين
ـــــــــــــــــــــــــــــــــــــ اللي يعيش بقصر ماله مثيلي

قـدم مهـر خلا حياتي بساتين
ـــــــــــــــــــــــــــــــــــــ وقال الزواج العيد تصبح حليلي

لابو المحبه يوم شفت الملايين
ـــــــــــــــــــــــــــــــــــــ وشلي بدوخه راس دور بديلي

وامآنتك رجواي سلسال هالسين
ــــــــــــــــــــــــــــــــــــــــ برميه من صدري قبل لايجيلي

لاني بذمه رجل مارضاله الشين
ــــــــــــــــــــــــــــــــــــــــ من هذي اللحظه وداعآ خليلي

سارت خطاه وقلت بعدين بعدين
ـــــــــــــــــــــــــــــــــــــــ تندم على فعلك وترجع عليلي

ماقول غير الدرب نصف بخطين
ـــــــــــــــــــــــــــــــــــــــ درب الهلاك ودرب دمعن يسيلي

باخذ طريق الدمع لاعلها تزين
ــــــــــــــــــــــــــــــــــــ دنيا تخلي دمع عيني هميلي

هذي نهايه من وفا يا آريش العين
ـــــــــــــــــــــــــــــــــــــ حسبي عليك الله ونعم الوكيلي

بكره تروح وتشري احلى الفساتين
ــــــــــــــــــــــــــــــــــــــ وتشري عقد المآس وزنه ثقيلي

ويمكن بعد تشري زهور ورياحين
ـــــــــــــــــــــــــــــــــــ ويشعل مسارك حب شخص ِ بديلي

ادري قهر لكن بتذكر وهالحين
ــــــــــــــــــــــــــــــــــــــــ ماضي زمانك يوم ليلك وليلي

نسهر ليا حد الفجر ومتساوين
ـــــــــــــــــــــــــــــــــــــــــــ بالحب كلن قال ياقوء حيلي

فات الاوان وبنتبه زين مازين
ـــــــــــــــــــــــــــــــــــــ لايام عمري قبل لاهي تميلي

ترا الوفا ساكن قلوب الوفيين
ـــــــــــــــــــــــــــــــــــــــ بكره تشوف شلون رجلك تجيلي

قصيده مات شاعرها

صح لسانك

شاعر جزل وقصيده أقل ما يقال عنها أنها رااائعه

دمت ودام نبض قلبك

لاعدمناك

قصيده رائعه تسلم يمناك

تحياتي لك

قصيده رائعه

يعطيك العافيه

جميل جدا ً ... شكرا ً لك